Олар ақша жымқыру үшін жалған сметалық құжаттар жасаған
Түркістан облысында әкімдіктер жол құрылысынан негізсіз шарттар жасау арқылы қаржыны заңсыз жылыстатып, 2,2 млрд. теңге жымқырған, деп хабарлайды Qaz365.kz.
Бұл туралы Түркістан облыстық Сыбайлас жемқорлыққа қарсы іс-қимыл агенттігі мәлімдеді.
Түркістан облысында автомобиль жолдарын салу және жөндеу процестерін талдау барысында бәсекелестікке жатпайтын тәсілмен 2,2 млрд теңгеге негізсіз шарттар жасасу фактілері анықталған.
"Бұл ретте орташа жөндеу жүргізуге арналған сметаға күтпеген шығыстарға арналған шығындар негізсіз енгізіліп, бұл жұмыстардың 177 млн теңгеге қымбаттауына алып келген. Сонымен қатар, жергілікті атқарушы органдар талап етілмеген жобалау-сметалық құжаттама әзірлеуге 210 млн теңге жұмсаған", – делінген агенттіктің хабарламасында.
Мемлекеттік сатып алу рәсімдерінің бұзылуына жол берген кінәлі тұлғалар жауапкершілікке тартылды.
