Пәтуаның күшін жоюға Бас прокуратураның қысымы себеп болған
Ресей Федерациясы мұсылмандар діни басқармасының Ғұламалар кеңесі діни полигамияға рұқсат берген "Ресейдің мұсылман қауымдастығындағы полигамия проблематикасы" деген теологиялық қорытындыны (пәтуаны) алып тастады, деп хабарлайды Qaz365.kz.
Бұл туралы 23 желтоқсан, дүйсенбіде кеңес төрағасы Шамиль Аляутдинов өзінің Telegram-арнасында хабарлады.
"Ресей Федерациясының мұсылмандар діни басқармасының Ғұламалар кеңесі БАҚ-та пайда болған ақпаратқа байланысты Ресей Федерациясының Бас прокуратурасы "Ресейдің мұсылман қауымдастығындағы көп әйел алу проблематикасы" пәтуасын жоюға шақырады. Сонымен қатар Ресей жұртшылығының реакциясына байланысты пәтуаның күшін жойды. Бұл үшін Ресей Федерациясының Ғұламалар Кеңесі дау-дамайға түсудің мағынасын көрмейді", – делінген ол жариялаған хабарламада.
23 желтоқсанда Ресей Федерациясының Бас прокуратурасы дума төрағасына Кеңес шығарған пәтуаға қарсы ұсыныс жасады, деп хабарлаған Ресейдің "Интерфакс" мемлекеттік агенттігі.
"Ресей Федерациясының отбасы кодексінің 1-бабының ережелеріне сәйкес, Ресей Федерациясында тек азаматтық хал актілерін жазу органдарында жасалған неке танылады. Некеге тұру кезінде және отбасылық қатынастарда, оның ішінде діни жағынан азаматтардың құқықтарын шектеудің кез келген нысандарына тыйым салынады", – делінген ұсыныста.
Еске сала кетейік, 19 желтоқсанда Ресей Федерациясының Ғұламалар Кеңесі мұсылман ерлер төрт діни некеге тұра алады деген пәтуа шығарған. Онда қосымша некеге тұрудың себептерінің тізімі, сондай-ақ діни полигамияға жол берілетін жағдайлар көрсетілген.
