Ол ішкі аудит қызметінің басшысы қызметін атқарған
БҚО-да 2 адамды мас күйде көлік жүргізіп келе жатып қағып кеткен шенеунік жұмыстан қуылды, деп хабарлайды Qaz365.kz.
Бұл турал БҚО әкімдігінің баспасөз қызметі мәлімдеді.
“Батыс Қазақстан облысы әкімі аппараты ішкі аудит қызметінің басшысы Ербол Найзабековке қатаң сөгіс жарияланып, жұмысынан босатылды. Қызметкердің мас күйде көлік жүргізгені дәлелденді. Әкімшілік іс қозғалып, сот сараптамасы тағайындалды”, – делінген әкімдіктің хабарламасында.
Еске салайық, облыс әкімі аппаратының қызметкері Ербол Найзабеков мас күйінде рөлге отырып, бағдаршамда тұрған үш көлікті соққан. Салдарынан таксиде болған 18 жастағы студент зардап шегіп, ауыр жарақат алған. Бастапқы диагнозы - миы шайқалған, жұлын контузиясы, омыртқа жарақаты. Қазір қыз балаға толық диагнозы қойылып, емделуі үшін Астанадан портал кезегін күтіп отыр.
