Ол алаяқтық жолмен мобильді телефондар мен аксессуарлар сатқан
Халықаралық іздеуде жүрген 24 жастағы қазақстандық Новосібірде ұсталды, деп хабарлайды Qaz365.kz.
Бұл туралы ҚР Ішкі істер министрлігі мәлімдеді.
“Қазақстан ІІМ Интерполының сұрауымен Ресей Федерациясының Новосібір қаласында 24 жастағы қазақстандық азамат ұсталды. Ол үлкен көлемде алаяқтық жасағаны үшін халықаралық іздеуде жүрген. Күдікті былтыр жазда Алматыдағы сауда үйлердің бірінде техника сатушы болып жұмыс істеп, азаматтарға мобильді телефон мен аксессуарды өткізу сылтауымен алаяқтық жасаған”, – делінген министрлік хабарламасында.
Ол жалпы сомасы 20 миллион теңгеден астам қаржат жымқырып кеткен. Қазіргі уақытта күдікті қамауға алынған.
