Қайырымдылық мекемесінің атын жамылған пансионаттарға 516 880 теңге көлемінде әкімшілік айыппұл салынған
Атырауда тыйым салынған діни әдебиеттерді оқытқаны үшін 4 пансионат таратылды, деп хабарлайды Qaz365.kz.
Бұл туралы Атырау қаласының прокуратурасы мәлімдеді.
“Атырау қаласының прокуратурасықайырымдылық ұйымдарының бірі арқылы діни араздықты насихаттайтын әдебиеттің таратылуын тоқтатты. Сарапшылардың қорытындысына сәйкес, кәмелетке толмағандар арасында таратылған материалдар Қазақстан аумағында пайдалануға тыйым салынған. Осыған байланысты қайырымдылық ұйымы кінәлі деп танылып, оған 516 880 теңге көлемінде әкімшілік айыппұл салынды. Бұдан басқа, тиісті рұқсат құжаттарынсыз балаларды діни бағыттарда оқытып, пансионат ретінде қызметтерін атқарған”, – делінген прокуратура хабарламасында.
Қала прокуратурасының талап арызы негізінде 4 мекеменің мемлекеттік тіркеуінің күші жойылып, барлық пансионат таратылды.
