Сонымен қатар, өндірістегі жазатайым оқиғалардан 1408 жұмыскер зардап шеккен
2024 жылы Қазақстанда өндірісте жұмыс істеп жүріп, 202 адам қаза тапқан, деп хабарлайды Qaz365.kz.
Бұл туралы Қазақстан Республикасы Еңбек және халықты әлеуметтік қорғау министрлігінің Мемлекеттік еңбек инспекциясы комитеті мәлімдеді.
“2024 жылы өндірістегі жазатайым оқиғалардан 1408 жұмыскер зардап шегіп, оның 202-і қаза болған. Бұл ретте 2024 жылдың қорытындысы бойынша өндірістік жарақаттану 2023 жылмен салыстырғанда 4,5%-ға төмендеді.2024 жылдың қорытындысы бойынша өндірістік жарақаттану коэффициенті (1000 жұмыскерге шаққандағы жазатайым оқиғалардың жиілігі) 0,20 құрады, – делінген комитет ақпаратында.
Жазатайым оқиғаларға әкелген негізгі себептер:
???? жұмыс өндірісін қанағаттанарлықсыз ұйымдастыру (35,5%),
???? жәбірленушінің өзінен дөрекі абайсыздық (31%),
???? автожол қозғалысы ережелерін бұзу (8,2%),
???? еңбек қауіпсіздігі және еңбекті қорғау ережелерін бұзу (7,6%),
????Зардап шеккендердің ең көп саны тау-кен металлургия кешенінің кәсіпорындарында – 18,3% және құрылыс саласында – 10,1% байқалған.
