33 жастағы күдіктіге Сербия мен Түркия елдерінде халықаралық іздеу жарияланған
Алматы әуежайында халықаралық іздеуде жүрген түрік азаматы ұсталды, деп хабарлайды Qaz365.kz.
Бұл туралы ҚР Ішкі істер министрлігі мәлімдеді.
“ҚР ІІМ Интерпол Ұлттық орталық бюросының сұрауы бойынша Алматы халықаралық әуежайында полицейлер 33 жастағы Сербия мен Түркия азаматын ұстады. Ер адам Түркия Республикасының құқық қорғау органдарымен іздеуде жүрген. Анықталғандай, 2021 жылы күдікті басқа адамдармен бірге Ыстамбұлға теңіз арқылы "кокаин" есірткі затын жеткізуді ұйымдастырған. Қаскөйдің ұсталуы екі елдің құқық қорғау органдарының тығыз халықаралық ынтымақтастығының нәтижесін көрсетті”, – делінген полиция ақпаратында.
Қазіргі таңда күдікті қамауға алынып, аталған елдердің құзырлы органдарымен байланыс орнатылуда.
