Айлық және жылдық абонемент барлық санаттағы көлік құралдары үшін қарастырылған
Қазақстанда ақылы жолдарда айлық және жылдық абонемент енгізілді, деп хабарлайды Qaz365.kz.
Бұл туралы “ҚазАвтоЖол” мекемесінің баспасөз қызметі мәлімдеді.
«ҚазАвтоЖол» еліміздегі ақылы жолдарда айлық және жылдық абонемент енгізді. Абонементті 1403 байланыс орталығы, Кaztoll.kz сайты, ақы төлеу пункттері және клиентпен жұмыс істеу орталығы арқылы рәсімдеуге болады”, – делінген “ҚазАвтоЖол” хабарламасында.
Бір айлық абонемент:
- жеңіл көліктерге қарастырылмаған,
- 16 орынға дейінгі автобустар мен жүк көтергіштігі 2,5 тоннаға дейін болатын жүк автомобильдері үшін 7 864 теңге,
- 32 орынға дейінгі автобустар және жүк көтергіштігі 5,5 тоннаға дейін жүк автомобильдері 15 728 теңге ,
- Жүк көтергіштігі 10 тоннадан жоғары және 15 тоннаға дейінгі жүк автомобильдері үшін 31 456 теңге,
- Ал жүк көтергіштігі 15 тоннадан жоғары жүк автомобильдері, оның ішінде тіркелгіш және ершікті тартқыштар үшін 39 320 теңге төлейді.
Ал бір жылдық абонемент үшін:
- жеңіл көлік жүргізушілері 3 932 теңге төлеуі тиіс,
- 16 орынға дейінгі автобустар және жүк көтергіштігі 2,5 тоннаға дейінгі жүк автомобильдері үшін 78 640 теңге,
- 32 орынға дейінгі автобустар және жүк көтергіштігі 5,5 тоннаға дейін жүк автомобильдері 235 920 теңге,
- Жүк көтергіштігі 10 тоннадан жоғары және 15 тоннаға дейінгі жүк автомобильдері үшін 314 560 теңге,
- Ал жүк көтергіштігі 15 тоннадан жоғары жүк автомобильдері, оның ішінде тіркелгіш және ершікті тартқыштар үшін 393 200 теңге төлейді.
