Олар футбол мен мұз айдыны алаңдарынжалға беруден түскен ақшаны жымқырып отырған
Ақтөбеде спорт мектебінің бұрынғы директорлары 12 миллионнан астам қаржыны жымқырды деп айыпталуда, деп хабарлайды Qaz365.kz.
Бұл туралы Ақтөбе облыстық Прокуратурасы мәлімдеді.
“Футболдан олимпиадалық резервтің облыстық мамандандырылған балалар-жасөспірімдер спорт мектебінің (ОДЮШОР) және №5 "Олимп" балалар-жасөспірімдер спорт мектебінің (11 шағын аудандағы хоккей спорт мектебі) бұрынғы басшылары қаржы жымқырып, үстерінен екі қылмыстық іс қозғалды. Тергеу мәліметтері бойынша, сотталушылар футбол мен мұз айдыны алаңдарын өңірдегі әуесқой командаларға жалға беруден түскен ақшаны жымқырып, спорт алаңдарын жалға алу үшін негізсіз ақша бөлгізген. Оларды өз қажеттіліктеріне, соның ішінде букмекерлік кеңселердегі ставкаларға жұмсаған. Қылмыстық жолмен жымқырылған табыс 12 миллион теңгеден асып кеткен”, – делінген Прокуратура хабарламасында.
Ал спорт мектебінің бұрынғы директорлары кінәларын мойындамай отыр. Сот процесі жалғасып жатыр.
