Жалға берушілер жыл сайын 15 қыркүйекке дейін мүлік пен табыс туралы декларация тапсыруы тиіс
Елімізде пәтерін жалға беретін азаматтар жылдық табысының 10%-ын салық ретінде төлеуі міндеттелді, деп хабарлайды Qaz365.kz.
Бұл туралы ҚР Мемлекеттік кірістер комитеті мәлімдеді.
Мысалы, пәтерін айына 300 000 теңгеге жалға беретін адам жылына 3 600 000 теңге табыс табады. Оның 10%-ы, яғни 360 000 теңге, салық ретінде төленеді.
“Пәтерді жалға беру кәсіпкерлік қызметке жатпайды, сондықтан жеке кәсіпкер ретінде тіркелудің қажеті жоқ. Дегенмен, жалға берушілер жыл сайын 15 қыркүйекке дейін мүлік пен табыс туралы декларация тапсыруы тиіс” , – делінген МКК хабарламасында.
Бұл 10% салықтың құрамына зейнетақы жарналары, әлеуметтік төлемдер мен медициналық сақтандыру кірмейді. Бұл салық кірістілігін арттырғанымен, жалдамалы пәтерлердің бағасы көтеріліп кетуіне себеп болғалы отыр.
