Ол жемқорлық жасағаны үшін кінәлі деп танылды
Тараз қалалық сотының төрағасы сотталды, деп хабарлайды Qaz365.kz тілшісі Антикор мәліметіне сілтеме жасап.
“Тараз қаласының №2 сотының үкімімен Жамбыл облысы Тараз қалалық сотының төрағасы А. Мадемаров жемқорлық қылмыс жасағаны үшін кінәлі деп танылып, 3 жылға бас бостандығынан айырылды”, – делінген хабарламада.
Сондай-ақ, А.Мадемаров өмір бойы мемлекеттік қызметте қызмет атқару құқығынан айырылды.
Ведомство мәліметінше, сотталушы сатып алу-сату мәмілесін және меншік құқығын жарамды деп тану туралы азаматтық іс бойынша оң шешімге жәрдемдескені үшін азаматтан алдау жолымен 1 миллион теңге мөлшерінде ақшалай қаражат алды.
