Ол үйінің есігін тас қып жауып, газ құбырын жұлып алған
Қарағандыда «үйді жарып жіберем» деп қорқытқан ер адам ұсталды, деп хабарлайды Qaz365.kz.
Бұл туралы Қарағанды қалалық полиция департаменті мәлімдеді.
“Оқиға 17 наурыз түстен кейін Гапеева 29 мекенжайындағы 5 қабатты тұрғын үйде орын алды. 38 жастағы ер адам мас күйінде үйінде газ құбырын жұлып алып оны терезеден сыртқа лақтырып жіберген. Одан кейін ол пәтерінің есігін іштен жауып алып, жеңіл киімшең күйде тұрғын-үй терезесінен сыртқа айқайлап, үйді жарып жіберетінін айтқан.Оқиға орнына дереу төтенше жағдайлар қызметі барды. Құтқарушылар газды өшіріп, ғимараттан 38 адамды эвакуациялады”, – делінген полиция хабарламасында.
Оқиға кезінде жедел жәрдем, полиция, өрт сөндірушілер және "Алемгаз" жұмысшылары барлық қызметтер жедел жұмыс атқара білген.
