Ұсталғандар процессуалдық шешім қабылдау үшін құқық қорғау органдарына тапсырылды
Халықаралық іздеуде жүрген күдікті Қазақстан шекарасында ұсталды, деп хабарлайды qaz365.kz тілшісі ҰҚК баспасөз қызметіне сілтеме жасап.
2023 жылғы 28 ақпанда ҰҚК ШҚ Жамбыл бойынша департаментінің «Сортөбе» шекара бөлімшесінің әскери қызметшілері Қырғыз Республикасынан Қазақстанға өту мақсатымен Мемлекеттік шекараны заңсыз кеспек болған халықаралық іздеудегі ҚР азаматын ұстады.
Шекара қызметінің басшылығы заң бұзушыны ұстау кезінде көрсеткен өжеттілігі мен шеберлігі үшін ерекшеленген шекарашыларды марапаттау мәселесін қарастыруда.
Сонымен қатар, 2023 жылғы 1 наурызда ҰҚК ШҚ Жамбыл бойынша департаментінің әскери қызметшілері «Айша бибі» өткізу бекетінде де Қазақстанда қылмыс жасағаны үшін іздеудегі ҚР азаматын ұстады.
Ұсталғандар процессуалдық шешім қабылдау үшін құқық қорғау органдарына тапсырылды.
