Бүгін елімізде Egov порталы жұмыс істемей қалды
1 сәуірде балаларды мектепке қабылдауға өтініш беретін күні egov.kz порталы істемей қалды, Qaz365.kz.
«Портал қазір қолжетімсіз, біз оны қалпына келтіру бойынша жұмыстар жүргізудеміз. Келтірілген қолайсыздықтар үшін кешірім сұраймыз!» – делінген порталдың хабарламасында.
1 сәуір – мектепке 1 сыныпқа қабылдауға өтініш беретін күн. Бірінші сыныпқа құжат қабылдау 2024 жылғы 1 сәуірден 31 тамызға дейін жүргізіледі. Ата-аналар балаларының құжаттарын электрондық үкіметтің egov.kz веб-порталы арқылы тапсыра алады.
Сондай-ақ қолайсыз жағдайға байланысты Қазақстан Республикасы «электрондық үкіметінің» ақпараттық-коммуникациялық инфрақұрылымының операторы 1 сыныпқа құжаттарды қабылдау қызметі бүгін, яғни, 1 сәуірде сағат 15:00-ден бастап қолжетімді болатынын хабарлады.
«Құрметті пайдаланушылар! 1сыныпқа арналған құжаттарды қабылдау қызметі 1 сәуірде сағат 15:00-ден бастап eGov.kz порталында және eGov Mobile мобильді қосымшасында қолжетімді болатынын хабарлайды», - делінген «Ұлттық ақпараттық технологиялар»АҚ хабарламасында.
