Көш басын Шымкент пен Өзбекстан шекарасына дейінгі аралықтағы тас жол бастап отыр
2025 жылдың басынан бері Қазақстанда автокөлік жүргізушілері ақылы жолдармен 12 миллионнан астам рет жүріп өткен, деп хабарлайды Qaz365.kz.
Бұл туралы “ҚазАвтоЖол” компаниясы мәлімдеді.
“Көрсеткіштер сапалы жол инфрақұрылымына деген сұраныстың артып келе жатқанын және оның ел экономикасын дамытудағы маңызды рөлін айқын көрсетеді”, – делінген ҚазАвтоЖол мәліметінде.
Төменде жолдан өту саны бойынша ең танымал ақылы жол учаскелерінің рейтингі (кему ретімен) және олардың маңыздылығы туралы қысқаша сипаттама берілген:
Шымкент – Өзбекстан шекарасы (1,98 млн)
Қазақстан мен Өзбекстан арасындағы маңызды байланысты қамтамасыз ететін ең жүктемелі маршрут.Алматы – Қонаев (1,88 млн)
Оңтүстік өңір мен туристер үшін маңызды магистраль. Алматы мен тау аймақтарына баруды жеңілдетеді.Шымкент – Тараз (1,2 млн)
Оңтүстіктегі екі ірі қаланы байланыстырады. Іскерлік сапарлар мен өңірлік туризмді дамытады.Тараз – Қайнар (1,02 млн)
Жол жүру уақытын қысқартып, жүк тасымалын жеңілдететін маңызды бағыт.Шымкент – Қызылорда (970 мың)
Сауда мен тауар жеткізілімін жеделдететін стратегиялық бағыт.Алматы – Хоргос (929 мың)
Қытаймен шекаралас халықаралық дәліздің маңызды бөлігі. Шекара маңы саудасын дамытады.Астана – Теміртау (768 мың)
Ел астанасы мен өндірістік орталықты байланыстырады. Орталық өңір экономикасының өсуін қолдайды.Қонаев – Талдықорған (712 мың)
Іскерлік байланысты қамтамасыз етіп, шағын және орта бизнестің дамуына ықпал етеді.Щучинск – Көкшетау (613 мың)
Туристік тартымдылығы жоғары аймақтар арқылы өтеді. Ішкі туризм әлеуетін арттырады.Астана – Щучинск (609 мың)
Астананы курорттық аймақпен байланыстырады. Сауықтыру және спорттық туризмді дамытады.Астана – Павлодар (481 мың)
Астана мен солтүстіктегі өндірістік орталық арасындағы тасымалды жеделдетеді.Көкшетау – Петропавл (361 мың)
Солтүстіктегі негізгі қалалар арасындағы логистиканы жақсартады.Қызылорда – Арал (260 мың)
Арал маңы тұрғындары үшін маңызды. Алыс аудандардың қолжетімділігін арттырады.Павлодар – Семей – Қалбатау (225 мың)
Шығыс Қазақстан үшін маңызды дәліз. Өңірлік дамуға ықпал етеді.Орал – РФ шекарасы (Самара) (183 мың)
Ресеймен ынтымақтастықты қамтамасыз ететін негізгі бағыт. Сауданы ынталандырады.Павлодар – РФ шекарасы (Омбы) (170 мың)
Халықаралық бағыт. Экспорттық-импорттық әлеуетті нығайтады.Ақтөбе – РФ шекарасы (Орынбор) (124 мың)
Ресеймен жүк және жолаушы тасымалында белсенді қолданылады.Орал – РФ шекарасы (Саратов) (108 мың)
Көрші мемлекетпен сауда-экономикалық байланысты нығайтатын тағы бір бағыт.Қостанай – РФ шекарасы (Троицк) (90 мың)
Солтүстік Қазақстан мен Ресейдің шекаралас өңірлері арасындағы сенімді дәліз.Бейнеу – Ақжігіт (Өзбекстан шекарасы) (28 мың)
Шекара маңы саудасы мен өңірдің дамуы үшін маңызды жол.
Ақылы автожолдар тек жол жүруді жеделдетіп қана қоймай, қалалар мен көршілес мемлекеттер арасындағы тұрақты байланысты қамтамасыз етіп, сауда, туризм және өнеркәсіптің дамуына ықпал етпек.
