Кейбір дақылдар қысқартылып, кейбірінің егіс аумағы ұлғайған
Биылғы егіс науқанына дайындық және оны өткізу барысы туралы айтылып, нақты қанша аумаққа егін егілетіні белгілі болды,деп хабарлайды Qaz365.kz.
Бұл туралы ОКҚ алаңында ҚР ауыл шаруашылығы вице-министрі Ербол Тасжүреков мәлімдеді.
«Жалпы, дәнді, майлы, көкөніс-бақша дақылдары, картоп бойынша жоспарланған алаңдар ішкі нарықтың қажеттіліктерін толық қамтамасыз етуге мүмкіндік береді. Дәнді және дәнді-бұршақты дақылдардың егіс алаңдары 115 мың гектарға қысқартылып, 16,6 млн га құрайды. Бидай алаңы өткен жылмен салыстырғанда 187 мың гектарға қысқарып, 13 млн гектарға орналасады. Майлы дақылдар 378 мың гектарға ұлғайып, 3,3 млн гектар құрайды, оның ішінде күнбағыс алаңы 1,4 млн гектарға жеткізіледі.», – деді Ербол Тасжүреков.
Жалпы әкімдіктердің деректері бойынша ағымдағы жылы ауыл шаруашылығы дақылдарын 23,7 млн гектар жерге орналастыру жоспарланған.
