Бірнеше қызметкерге аздап ыс тиген
6 наурыз күні кешке "Байтақ" жасылдар партиясының республикалық штабында өрт шықты. Кеңсе Мәңгілік көшесі, 30 мекенжайындағы бизнес-орталықта орналасқан, деп хабарлайды qaz365.kz тілшісі zakon.kz-ке сілтеме жасай отырып.
Партия өкілдері өздерінің Instagram парақшасында хабарлағандай, зардап шеккендер жоқ. Өрт орнына бірнеше өрт сөндіру топтары келді. Оқиға туралы хаттама жасау үшін полиция шақырылды. Штабтың барлық қызметкерлері шұғыл түрде эвакуацияланды. Бірнеше қызметкерге аздап ыс тиген.
"Партия мұны ластаушы кәсіпорындардың одан әрі қызметіне тосқауыл қою жөніндегі идеяларын қолдаушылардың белсенділігімен және саяси бәсекелестіктің артуымен байланыстырады", - деп ресми мәлімдеме жасады партия жетекшісі Азаматхан Әміртаев.
