Шымкент әкімінің орынбасары Руслан Берденовті атып кетті, деп хабарлайды Qaz365.kz.
Күдікті Шымкент қаласы әкімінің орынбасары Руслан Берденовтің төменгі аяқ тұсына үш рет оқ атып, ауыр жарақат келтірген.
Берденов Руслан Арысбекұлы «оң жамбас және иық тұсынан оқ жарақатын алған» деген алдын ала диагнозбен ауруханаға жеткізілді.
Дереккөздердің мәліметінше, шамамен сағат 20:30-да Шымкент қаласы әкімдігі ғимаратының маңында 1994 жылы туған азамат Ж.Е. "Сайга-12" маркалы қарудан Шымкент қаласы әкімінің орынбасары Руслан Берденовтің аяқ-қолының төменгі бөлігіне қарай үш рет оқ атқан.
Жарақат алған Руслан Берденов ауруханаға жеткізілді. Алдын ала диагноз – "оң жамбас және иық тұсынан оқ жарақаты".
Полицияның түсініктемесі:
2025 жылғы 21 сәуірде Шымкент қаласы әкімдігі ғимаратының маңында атыс қаруын қолдану фактісі болды.Оқиға салдарынан әкімдік қызметкері жарақат алып, ауруханаға жеткізілді. Оған барлық қажетті медициналық көмек көрсетіліп жатыр. Күдікті ұсталды, ол уақытша ұстау изоляторына қамалды. Аталған факті бойынша қылмыстық іс қозғалды. Тергеу амалдары жүргізіліп жатыр.
