×

Банктер арасында телефон нөмірі арқылы аударымдар 2025 маусымында іске қосылады

Бұл клиенттерге банкаралық QR төлемдер мен мобильді аударым сервистеріне қолжетімділікті қамтамасыз етуге мүмкіндік береді.

Банктер арасында телефон нөмірі арқылы аударымдар 2025 маусымында іске қосылады
Ұлттық банк

Банктерге мобильді төлемдердің банкаралық жүйесіне қосылу міндеттелмек. Бұл туралы Ұлттық цифрлық қаржы инфрақұрылымын дамыту және цифрлық активтерді реттеу тәсілдері туралы брифингте Ұлттық банк төрағасының орынбасары Берік Шолпанқұлов хабарлады, деп жазады Qaz365.kz

Оның айтуынша, бұл клиенттерге банкаралық QR төлемдер мен мобильді аударым сервистеріне қолжетімділікті қамтамасыз етуге мүмкіндік береді.

Біз банктердің өзара тиімді жұмыс істеуін, қаржы қызметтерінің қолжетімді болуын және бәсекелестікті дамытып, тұтынушы құқығының қорғалуын қамтамасыз етуді көздейміз. Сонымен бірге еліміздің қаржы секторының дербестігін нығайтуды жоспарлап отырмыз, – деп атап өтті Берік Шолпанқұлов.

Жиын барысында Ұлттық банк төрағасының кеңесшісі, цифрлық трансформация жөніндегі жетекші Бинұр Жәленов маусым айында алғашқы бес банктің клиенттері үшін телефон нөмірі арқылы банкаралық аударымдар қолжетімді болатындығын мәлімдеді.

Аталған іс-шаралар Ұлттық цифрлық қаржылық инфрақұрылымды дамыту аясында жүзеге асырылуда. Оған Ұлттық төлем жүйесі, Алаяқтық транзакцияларға қарсы ұлттық орталық, Қашықтан биометриялық сәйкестендіру жүйесі, Ашық банкинг және Цифрлық теңге платформалары кіреді. 

Сонымен қатар, Ұлттық банк басқа мемлекеттік органдармен бірге цифрлық активтерді реттеу жөнінде заңнамалық өзгерістер қалыптастыруға бағытталған түзетулер кешенін әзірледі.

Түзетулер екі блоктан тұрады. Бірінші, цифрлық қаржы активтерінің құқықтық мәртебесін анықтай отырып оларды іске қосу көзделген. Екінші, қорғалмаған криптовалюталардың айналымын реттеу үшін криптовалюта айырбастау ызметін көрсететін провайдерлерді лицензиялау.

Заңнамалық бастамалармен қатар Ұлттық Банкте цифрлық активтер бойынша реттеуші орта құрылады. Оның аясында нарық қатысушылары түрлі инновациялық сервистер мен технологияларды сынақтан өткізе алады, – деп қорытындылады Ұлттық банк төрағасының орынбасары.

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Аватар автора

 Редактор

Бөлім жаңалықтары

Тағы оқыңыз
Мемлекетке 519 млн теңге шығын: Таразда құрылыс бөлімінің басшысы сотталды
Бүгін, 10:29

Мемлекетке 519 млн теңге шығын: Таразда құрылыс бөлімінің басшысы сотталды

Ол көппәтерлі тұрғын үйлердің құрылысына бөлінген бюджет қаражатын жымқырған
Айыпталушы Абзал Шынасыл сот отырысында бет-жүзін көрсете беруге келісті
Оларға 7 жылға бас бостандығынан айыру түрiнде жаза тағайындалған
Шекарадан өтуге жеке тұлғаларға, жеңіл автокөліктерге, автобустарға және 3,5 тоннаға дейінгі көлік құралдарына қатысты уақытша тыйым САЛЫНДЫ

Соңғы жаңалықтар

Барлық жаңалық →