Ол үшін жарамдылық мерзімі аяқталғанына 10 күннен аспаса жеткілікті
Енді жеке куәлікті онлайн ауыстыруға болады. Ішкі істер министрлігі Цифрлық даму министрлігімен бірлесіп, жеке куәлікті онлайн ауыстыру бойынша пилоттық жобаны іске қосты, деп хабарлайды Qaz365.kz.
Қызмет келесі жағдайларда қолжетімді:
- жеке куәліктің жарамдылық мерзімі аяқталуына 30 күн немесе одан аз уақыт қалғанда;
- немесе жарамдылық мерзімі аяқталғанына 10 күннен аспаса.
Жеке куәлікті eGov.kz порталы немесе Mgov мобильді қосымшасы арқылы ауыстыруға болады.
Онлайн құжатты ауыстыру үшін азаматтар:
- өтінім беруі тиіс.
- Фото мен қолтаңбаны тіркеу қажет.
- Жеке деректерді растау керек.
- Мемлекеттік баж салығын төлеу қажет (қалауыңызша жедел қызметке тапсырыс беруге болады).
