Жол беруге болмайтын киберқылмыс деп саналған
Ulysmedia.kz порталының бас редакторы Самал Ибраева кибершабуылға ұшырады. Осыған байланысты Қазақстан Республикасының Мәдениет және ақпарат министрлігі ресми мәлімдеме жасады, деп хабарлайды Qaz365.kz.
Министрлік “ULYS MEDIA” порталының бас редакторы Самал Ибраеваға қатысты жасалған арандатушылықты айыптап, бұл әрекетті жол беруге болмайтын киберқылмыс деп санайтынын мәлімдеді.
«Министрлік порнографияны тарататын және интимдік қызметтерді жарнамалайтын тыйым салынған ресурстарды анықтау жұмыстарын күшейтеді және оларды жедел бұғаттау үшін өз құзыреті шеңберінде барлық шараларды қабылдайды», – делінген хабарламада.
«Біз құқық бұзушылар анықталады деп сенеміз. Бұл – мемлекеттің қағидатты ұстанымы: Қазақстанда цифрлық зорлық-зомбылық пен буллингке орын жоқ», – деп атап өтті ҚР Мәдениет және ақпарат министрлігі.
