073/е анықтамасын қағаз түрінде ұсыну қажеттілігі жойылды
Енді «Жүргізуші куәлігін алу» қызметіне жүгінген кезінде қағаз түріндегі 073/е медициналық анықтамасын тапсырудың қажеті жоқ, деп хабарлайды Qaz365.kz.
Бұл туралы ҚР Азаматтарға арналған үкімет МК мәлімдеді.
Халыққа қызмет көрсету орталықтары мен Денсаулықсақтау министрлігінің ақпараттық жүйелерінің интеграциясының нәтижесінде 073/е анықтамасын қағаз түрінде ұсыну қажеттілігі жойылды.
Енді қызмет алушыға өтінім бермес бұрын тек:
• мемлекеттік не жекеменшік емханада медициналық
тексеруден өту;
• медициналық куәландырудан оң нәтиже алу жеткілікті.
Медициналық тексеріс нәтижелерін растау процесі келесідей жүзеге асырылады:
1. 073/е үлгісі бойынша тексеру жүргізген медициналық
мекеме тиісті нәтижелерді Денсаулық сақтау
министрлігінің ақпараттық жүйесіне енгізеді.
2. ҚР Денсаулық сақтау министрлігінің ақпараттық
жүйесінен мәліметтер ХҚКО-ның интеграциялық
ақпараттық жүйесіне (ИАЖ ХҚКО) түседі.
3. Өтінімді қарауға уәкілетті қызметкер медициналық
тексерістен сәтті өткен анықтаманың бар-жоғын
тексереді.
073/е үлгісіндегі медициналықанықтама келесі жағдайларда қажет:
- жүргізуші куәлігін алғаш рет алу;
- мерзімнің аяқталуына байланысты куәлікті ауыстыру;
- қосымша жүргізуші санатын алу;
- жүргізуші куәлігінен айырылған соң, куәлікті қайта рәсімдеу кезінде.
