Дүйсенбіде шетел валютасы уақытша арзандағаннан кейін кейін бүгін қайта қымбаттай түсті
КASE-дегі сейсенбі күнгі сауда қорытындысы бойынша доллардың орташа бағамы 532,43 теңгені құрады. Бұл — өткен аптадағы тарихи рекордқа өте жақын көрсеткіш, деп хабарлайды Qaz365.kz.
KASE мәліметіне сәйкес, 22 шілдеде доллар 529,76–534,85 теңге аралығында саудаланды. Сауда көлемі 30,3 млн долларға артып, 271,8 млн долларға жетті. Тәулік ішінде АҚШ валютасы теңгеге шаққанда 2,84 теңгеге нығайып, дүйсенбідегі құлдырауды дерлік толығымен өтеді.
Өткен аптада доллар бағамы тарихи максимумды жаңартты — Ұлттық банктің 18 шілдедегі ресми бағамы 532,7 теңгені, ал KASE-дегі орташа өлшемді бағам 533,07 теңгені құраған болатын. Демалыс күндерінен кейін әдеттегі «түзету» кезеңі байқалғанымен, қазір доллар қайтадан қымбаттап жатыр.
