Сот жарыссөзінде жәбірленушілердің бірі Перизат Қайратты анасымен бірге қатаң жазалауды талап етті
Астананың қылмыстық істер жөніндегі ауданаралық сотында Перизат Қайрат пен оның анасы Гайни Алашбаеваның ісі бойынша негізгі сот процесі бүгін де өтті, деп хабарлайды Qaz365.kz тілшісі.
Іс бойынша жәбірленушілердің бірі Руслан Томашев Перизат Қайрат құрған қорға белгілі бір мөлшерде ақша аударғанын айтты, бірақ нақты соманы атаған жоқ. Сонымен қатар ол Перизат Қайраттың анасына аяушылық танытпауға шақырды.
“Шығарылған шешіммен толық келісемін. Мұнда көптеген жәбірленушілер анасының жасы мен жағдайына байланысты жеңілдік беру туралы айтып жатыр. Меніңше, мұндай әрекеттерді түбегейлі тоқтату керек. Үкімді өзгеріссіз қалдыру керек, ешқандай жеңілдікке, ауруға, жасқа немесе басқа сылтауға жол берілмеуі тиіс, – деді жәбірленуші бейсенбі күні.
Тағы бір жәбірленуші Амина Аймағанбетова Перизат Қайраттың анасы – Ғайни Алашбаева қызының әрекеттерін бақылауы тиіс еді деген пікір білдірді.
“Меніңше, бұл істе қатаң жаза қолдану керек. Өйткені анасы жауап беретін болса, оған «қайда қарадың?» деген сұрақ туындайды. Қызының миллиардтап ұрлық жасауын тоқтатуы керек еді, – деп өз ұстанымын айтты жәбірленуші.
БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
