Ұлттық домбыра күніне орай Сәтбаев қаласының Жастар алаңында 100 күйші бір мезетте «Балбырауын» күйін орындап, қаламызды рухқа толтырды, деп хабарлайды Qaz365.kz.
Абай аллеясында ұлттық өнер мен елордамыздың мерекесіне арналған салтанатты кеш өтті. Домбыра күні мен Астана күніне арналған бұл мерекелік шараға қала әкімі қатысып, тұрғындарды айтулы күндермен құттықтады.
Концерт барысында қала өнерпаздары мен шығармашылық ұжымдар қазақтың дәстүрлі күйлері мен әсем әндерін орындап, көрермендерге ерекше көңіл-күй сыйлады.
Өнерпаздардың еңбегі ескерусіз қалмай, қала әкімі олардың әрқайсына алғыс білдіріп, арнайы марапаттар мен домбыралар табыс етті. Бұл — ұлттық өнерге деген құрметтің, рухани мұраны ұлықтаудың белгісі болды.
Мерекелік кеш тұрғындарға шаттық пен рухани серпіліс сыйлап, ұлттық өнер мен елорданың мәртебесін тағы бір мәрте асқақтатты.
Бұл — халқымыздың бірлігін, ұлттық өнерге деген сүйіспеншілігін, ата-баба аманатына адалдығымызды паш еткен сәт болды.Домбыра — тарихымыздың үні, жүрегіміздің тілі. Оның қоңыр күйі бізді өткенімізбен жалғап, ұрпағымызға жол көрсетеді. Бүгінгі шара арқылы біз сол қастерлі мұраны тағы бір мәрте ұлықтап, жас буынға өнеге көрсеттік.Жүздеген домбырашыны біріктірген бұл бастама ұлттық өнердің мәңгі жасайтынын дәлелдеді. Баршаңызға алғыс айтамын! Домбыраның қоңыр үні әрбір шаңырақта жаңғыра берсін, бірлігіміз бекем болсын, - деді әкім Мұрат Бөрібаев.
