Бұл ұсыныс Еңбек және халықты әлеуметтік қорғау министрлігіне бірнеше рет түскен
31 желтоқсан мереке күні ретінде белгілене ме деген сұрақты бүгін Үкімет отырысына журналистер министрліктің өкілдеріне тағы қойды, деп хабарлайды Qaz365.kz.
Бұл сұраққа Еңбек және халықты әлеуметтік қорғау министрлігінің еңбек департаментінің басшысы Шалқар Оразбеков жауап берді.
Иә, бұл сұрақты біз бұған дейін бірнеше рет қарағанбыз. Халықаралық тәжірибені зерттей келе, мәселені түбірімен қарай отырып, 31 желтоқсанды мереке күні ретінде белгілемеуді жөн деп шештік, – деді ол.
Дей тұрғанмен, Шалқар Оразбеков әрбір жұмыс орыны жұмысшыларымен келісімге сай, 31 желтоқсанды қысқартылған жұмыс күні ретінде белгілей алады.
