Қазір тиісті құжаттарды дайындау жұмыстары жүргізіліп жатыр
Қазақстанның авиациялық билігі 2019 жылы орын алған Bek Air әуе апатына қатысты тергеуді қайта бастайды, деп хабарлайды Qaz365.kz.
Бұл туралы Үкіметтегі баспасөз мәслихатында көлік министрі Нұрлан Сауранбаев мәлімдеді. Министрдің айтуынша, мұндай қайғылы оқиғаларды тергеу үшін уақыт қажет, сондықтан қажетті құжаттар дайындалып жатыр.
Апат жайлы
2019 жылы Алматыда ұшақ әуеге көтеріле алмай, ұшу жолағынан шығып кетіп, құрылысы бітпеген үйге соғылған. Салдарынан 12 адам қаза тауып, 40-тан астамы жарақат алған. Бұл факт бойынша қылмыстық іс қозғалған. 2024 жылы тергеудің аяқталғаны хабарланған. Алайда желтоқсан айында бұрынғы министр Bek Air қызметкерінің өтінішінен кейін істі қайта қарауға бастама көтерді.
