12 миллионнан астам азамат дауыс бере алады
Қазақстанда жексенбі күні Парламент Мәжілісі мен мәслихаттары депутаттарын кезектен тыс сайлау басталды. Сайлау учаскелерінің көбі таңғы сағат 7:00-де ашылды. 19 наурызда Астана уақыты бойынша 20:00-ге дейін 12 миллионнан астам азамат дауыс бере алады, деп хабарлайды qaz365.kz.
Бұл сайлау Мәжіліс пен барлық деңгейдегі мәслихат депутаттарының бір күнде сайланатындығымен ерекшеленеді, бұл ретте екі жүйе қатар қолданылады – пропорционалды (партиялық тізімдер бойынша) және мажоритарлық (бір мандатты округтер бойынша). Қазақстан тарихында Парламент мәжілісі депутаттарын сайлау аралас жүйе бойынша бірінші рет өтіп тұрған жо
Қазақстандықтар Мәжілістің 98 депутатын сайлайды, оның 69-ы партиялық тізім бойынша, 29-ы бір мандатты округтер бойынша.
2023 жылғы Мәжіліс депутаттары сайлауына жеті саяси партия жіберілді, солардың ішінен сайлауға 283 кандидат түсіп жатыр.
Бір мандатты округтер бойынша 435 кандидат бар, олардың аты-жөні басқа бюллетеньдерге енгізілген, әр округтің өз кандидаттары бар.
Дауыс беруге арналған бюллетеньге партия атаулары жеребе бойынша белгіленген тәртіппен енгізіледі.
Сайлау бюллетеньіндегі партиялардың атауы мына ретпен орналастырылды:
Барлық деңгейдегі (облыстардың, республикалық маңызы бар қалалардың және астананың, қалалар мен аудандардың) мәслихаттарына 3415 депутат сайланады.
Облыстардың, республикалық маңызы бар қалалардың және астананың өкілді органдарында депутаттардың 50 пайызы партиялық тізім бойынша, 50 пайызы бір мандатты аумақтық округтерден сайланады. Ал қалалар мен облыстардың мәслихаттарында депутаттар тек мажоритарлық жүйе бойынша, яғни округтер бойынша сайланады.
Нәтижесінде 3415 орынның 3081-і бір мандатты аумақтық округтер бойынша (мажоритарлық жүйе бойынша) сайланған депутаттарға берілді. Бұл облыстық, республикалық маңызы бар қалалар мен астана мәслихаттары құрамының 50 пайызын, сондай-ақ қалалар мен аудандар мәслихаттары депутаттарының 100 пайызына тең болады. Мәслихаттарға 334 депутат партиялық тізім бойынша сайланады.
