Аймақта жыл басынан бері өткен экологиялық бағдарламаларға 8 мыңға жуық адам қатысты
Атырауда «Таза Қазақстан» бағдарламасы аясында өткен экологиялық акцияда 15 тонна қоқыс жиналып, 4070 ағаш егілді, деп хабарлайды Qaz365.kz.
Іс-шараға облыс әкімінің орынбасары Жасұлан Бисембиев және 1500-ден астам ерікті қатысты. Облыс орталығында өткен тазалық жұмыстары Жайық өзенінің Атырау шағынауданындағы жағалауын қамтыды.
Сенбілікті Атырау облысы әкімдігі және облыстық Экология департаменті мен «Жайық-Каспий» облысаралық бассейндік балық шаруашылығы инспекциясы ұйымдастырды.
Тазалық акциясына облыс орталығы ғана емес, аудан тұрғындары да қатысты.
– Акцияның мақсаты – табиғатты қорғау және қоғамда экологиялық мәдениетті қалыптастыру. Таза орта – салауатты өмір кепілі. Әр тұрғын туған жердің экологиясына бейжай қарамаса, қоршаған ортамыз да таза әрі көркем болады, – деді Экология департаментінің басшысы Асқар Жүсіпов.
Аймақта жыл басынан бері өткен экологиялық бағдарламаларға 8 мыңға жуық адам қатысып, нәтижесінде 20 мың тоннадан астам қоқыс жиналды.
БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
