×

Асхат Аймағамбетов депутат ретінде қандай мәселелерді көтеретінін айтты

Депутаттың қызметі бір саламен шектеліп қалмайды.

Асхат Аймағамбетов депутат ретінде қандай мәселелерді көтеретінін айтты
akorda.kz

Мәжілістегі алқалы жиын аяқталған соң жаңадан сайланған депутат Асхат Аймағамбетов журналистерге депутат ретінде қандай мәселелерді көтеретінін айтты, деп хабарлайды Qaz365.kz.

«Назар аударатын мәселелер өте көп. Олардың басым көпшілігі әлеуметтік, коммуналдық, т.б. салаларға қатысты.

Депутаттың қызметі бір саламен шектеліп қалмайды. Менің бұған дейін Оқу-ағарту министрі болғаным тек білім беру саласының мәселелерімен айналысады дегенді білдірмейді. Әрине, білім саласындағы мәселелер мен үшін әрқашан маңызды болып қала береді», - деді экс-министр.

Бұдан бөлек, депутат қала құрылысына қатысты өзекті мәселелерді де атап өтті.

«Әсіресе, ірі елді мекендерде мектеп, балабақша, басқа да әлеуметтік нысандар жоқ, ал әкімдік үй салуға рұқсат береді. Нәтижесінде жаңадан салынған мектеп бірден үш ауысымды болып шыға келеді. Осында өзекті мәселелерді заңдық тұрғыдан реттеу қажет.

Сонымен қатар балалар мен әйелдердің құқығын қорғау сияқты мәселелер де бар. Медициналық қызметкерлердің де құқықтарын қорғау қажет. Айталық, науқастар тарапынан наразылық, балағаттау ғана емес, қол көтеру фактілері де кездесіп жатады», - деді депутат.

Аймағамбетовтің айтуынша, мұның бәрі «Amanat» партиясының сайлауалды бағдарламасында қарастырылған. Енді осыларға басымдық бере отырып, жүзеге асыруға кіріспек.

Айта кетейік, Асхат Аймағамбетов Мәжілістегі Әлеуметтік-мәдени даму комитетінің төрағасы болып сайланды.

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Бөлім жаңалықтары

Тағы оқыңыз
Мәскеудегі теракт: "Крокуста" 5 мыңнан астам адам болған
25.03.2024ж. 16:42

Мәскеудегі теракт: "Крокуста" 5 мыңнан астам адам болған

Соңғы мәліметтер бойынша, шабуылдан 137 адам қаза тапты
Ғылыми орталықтың қазіргі атқарып жатқан жұмыстары жөнінде баяндалды
Бұл туралы Алматы қаласының әкімі Ерболат Досаев Президент Қасым-Жомарт Тоқаевқа баяндады  
Қазақстандық эстрада жұлдыздары қатысты

Соңғы жаңалықтар

Барлық жаңалық →