Прокуратурамен қатар жәбірленушілер де арыз түсірді
Ақмола облысының прокуратурасы 6 қаңтарда аппеляциялық шағым түсірді. Бұл дәл осы іс бойынша екінші мәрте жазылған аппеляциялық шағым, деп хабарлайды Qaz365.kz.
Прокуратурамен қатар жәбірленушілер де арыз берген. Енді іс тағы да аппеляциялық инстанцияда қаралады.
«Жәбірленушілер де арыз берді. Енді істі аппеляциялық инстанцияға жібереді. Үкім әлі заңды күшіне енген жоқ», — деп мәлімдеді Ақмола облысының соты.
Еске сала кетсек, бұған дейін сот алқасының шешімімен Қылмыстық-атқару жүйесіне қарасты мекеменің 12 бұрынғы қызметкері кінәсіз деп танылған еді.
Түрме қызметкерлерінің тұтқындарды азаптағаны көрінетін видеолар 2023 жылы қыркүйекте желіде тараған болатын. Сотқа тартылған 12 қызметкер «Азаптау» бабы бойынша айыпталған. Азапталғандардың ішінде Тимур Дәнебаев бар. 2022 жылғы Қаңтар оқиғасынан кейін Алматыға «20 мың террорист келгені» жайлы мәлімдемесі үшін президент Тоқаевқа қарсы қылмыстық іс қозғауға тырысқан Тимур Дәнебаев 2022 жылы ұсталып, 2023 жылы маусымда араздық тудырды деп 3 жылға сотталған болатын. Бақытжан Төреғожинаның сөзінше, Тимур Дәнебаев және 40 шақты адам түрмедегі 12 қызметкердің үстінен «азаптады» деп арыз түсірген.
