Air Astana әуе компаниясы Иран әуе кеңістігінің жабылуына байланысты бірқатар тұрақты және чартерлік рейстердің бағыты өзгеретінін мәлімдеді, деп хабарлайды Qaz365.kz.
Әуекомпания мәліметінше, Шарм-эль-Шейх, Дубай, Доха және Мәдина бағыттарындағы рейстер Иран аумағын айналып өтеді. Осыған байланысты ұшу уақыты мен кестеде өзгерістер болуы мүмкін.
Air Astana жолаушыларға рейстерінің мәртебесін алдын ала тексеруді ұсынады. Әуе компаниясы жағдайды бақылауда ұстап отырғанын және ұшу қауіпсіздігі басты басымдық болып қала беретінін атап өтті.
