Хаменова сот залынан үйіне жіберіледі
Атырау облысы әкімінің бұрынғы орынбасары Бақытгүл Хаменоваға сот үкімі шықты, деп хабарлайды qaz365.kz тілшісі Halyq Uni-не сілтеме жасап.
Сот үкіміне сәйкес, Бақытгүл Хаменова 7 жылға бас бостандығынан айырылды. Ол жазасын қауіпсіздігі орташа мекемеде 3 жылдан кейін өтейді. Хаменова сот залынан үйіне жіберіледі.
Сондай-ақ ол мемлекеттік қызметте жұмыс істеу құқығынан айырылды. Сот Хаменованы “Құрмет” орденінен айырды.
Облыстық мәдениет басқармасының бұрынғы басшысы Ақылбек Рысқалиев те 7 жылға бас бостандығынан айырылды.
«Балқыту» ЖШС директоры Өміртай Адамов 4 жылға сотталды.
Бұған дейін соттағы соңғы сөзінде Бақытгүл Хаменова соттан өзін ақтауды сұрап, жеке қаулы шығаруды сұраған.
Айта кетейік, тараптардың жарыссөзі барысында мемлекеттік айыптаушы Лаура Асанова Бақытгүл Хаменова мен Ақылбек Рысқалиевті (облыстық мәдениет басқармасының бұрынғы басшысы) 7 жылға бас бостандығынан айыруды сұрады.
Сондай-ақ Хаменованың 14 жасқа толмаған баласының бар екенін ескеріп, жазасын үш жылдан кейін өтеуін сұрады. Ол уақытқа дейін пробациялық бақылау қоюды сұрады.
Ал «Балқыту» ЖШС директоры Өміртай Адамовты прокурор 4 жылға бас бостандығынан айыруды талап еткен. Прокурор соттан Ақылбек Рысқалиев пен Өміртай Адамовты сот залында қамауға алуды сұраған.
