Бүгін кешке Гран-придің 9-турдағы ойындары өтеді
Бибісара Асаубаева Гран-придің 8-турында қытайлық шахматшымен тең түсті, деп хабарлайды qaz365.kz тілшісі sputnik.kz-ке сілтеме жасап.
Делиде өтіп жатқан әйелдер арасындағы FIDE Гран-приінің 3-кезеңінде 8-тур ойындары аяқталды.
Мұнда көптің назарын аударған басты кездесу көш басында тұрған қазақстандық Бибісара Асаубаева мен қытайлық Жу Цзинер арасында болды. Ойында жеңімпаз анықталмай, тең аяқталды.
Қазір Бибісара 5 ұпаймен көш бастап келе жатыр. Ал қытайлық гроссмейстер 4½ ұпаймен 2-орында.
Бүгін кешке Гран-придің 9-турдағы ойындары өтеді.
