Қазір жағдай тұрақты
Қостанай облысында қардың қатты еруі мен еріген судың келуі салдарынан Тюнтюгур өзені арнасынан асып кетті, деп хабарлайды Qaz365.kz тілшісі Zakon.kz-ке сілтеме жасап.
Қостанай облысының жергілікті атқарушы органдары және ТЖД күштері мен құралдары Железнодорожное ауылындағы ойпат жерде орналасқан екі пәтерлі алты үйге кірген еріген қар суы салдарын жою жұмыстарын жүргізуде.
Жедел жұмыстарға жергілікті атқарушы органдар мен құтқару бөлімшелерінен 15 бірлік техника және 30 адам жұмылдырылды.
Жағдай тұрақты, өзенде судың көтерілуі байқалмайды, тәулік бойы кезекшілік және мониторинг ұйымдастырылды.
