Министрлік заң жобасын медициналық мамандармен ақылдаспаған
Елжан Біртанов медицина қызметкерлерінің мәртебесін көтеру туралы Денсаулық сақтау министрлігінің заң жобасын қатаң сынға алды. Бұл туралы экс-министр Фейсбук желісіндегі жеке парақшасында жазды, деп хабарлайды Qaz365.kz.
"ҚР кейбір заңнамалық актілеріне денсаулық сақтау мәселелері бойынша өзгерістер мен толықтырулар енгізу туралы" заң жобасын министр Ажар Ғиният таныстырған.
Біртановтың сөзінше, жобаны Президент Қасым-Жомарт Тоқаев та сынаған. Себебі жоба алға қойған міндеттерге сай келмейді.
"Медицина қызметкерлерінің құқықтық қорғалуы маңызы зор. Олардың әлеуметтік жағдайы да назардан тыс қалмауы керек. Бұл мәселені шешуге арналған арнайы заң жобасы Парламентте бір жылға жуық талқыланды. Бұл құжат негізінен дәрігерлердің жауапкершілігін сақтандыруды реттейді. Бұл ретте мамандар мен депутаттар ұсынған медициналық мамандықтың беделін арттыру жөніндегі нақты шаралар жоққа шығарылды. Медицина қызметкерлерінің құқықтарын заңмен кепілдендірілген қорғаудың болуы маңызды. Парламенттегілер бұл мәселені шешуге тиісті көңіл бөлуі тиіс", – деген болатын Президент Парламенттің сессиясында сөйлеген сөзінде.
Біртановтың айтуынша, министрлік заң жобасын медициналық мамандармен ақылдаспаған.
"Бұл әділ болды – әзірлеушілер заң жобасын медицина қызметкерлермен талқыламады, оны қарапайым дәрігерлерге, медбикелерге және басқа да көптеген сала қызметкерлеріне ұсынбаған. Нәтижесінде заң жобасы шикі және дәрігерлердің шынайы қажеттіліктерінен алыс болып шықты", – деп жазды ол.
Экс-министр заң жобасын әріптестерімен талқылап, жиналған ұсыныстарды Асхат Аймағамбетовке жіберген.
"Оның басшылығымен заң жобасы жетілдіріледі деп үміттенемін", - дейді Біртанов.
