Оның айтуынша, ұлдары аппеляциялық сотқа жүгінеді
Жигули Дайрабаев Мәжіліс отырысында алғаш рет ұлдарына шыққан үкімге қатысты мәлімдеме жасады, деп хабарлайды Qaz365.kz.
Ол ұлдарын кінәлі санамайтынын жеткізді.
“Ардақты әріптестер!
Алдымен сіздерге ризашылығымды білдіргім келеді. Балаларыма байланысты туындаған мәселе бойынша көбіңіз депутат, әріптес ретінде қолдау көрсетіп жатырсыздар. Моральдық жағынан әділдік танытып, құқықтық жағынан сауаттылық білдіргендеріңізді жоғары бағалаймын. Балаларымды кінәлі деп есептемеймін. Олар әділдік үшін күреседі. Апелляциялық сотқа жүгініп, абыройын қорғауға мүдделі. Ендеше мен не үшін Мәжілістен кетуім керек? Ауыл тұрғындары, шаруалар, өзімді сайлаған “Ауыл” партиясы маған үлкен үміт артып отыр. Көптеген өткір мәселелерді қолға алып, жұмыс істеуім керек”, – деді депутат.
