Qarapaym.qazaq деп тіркелген африкалық азамат өзін Әбдукәрім деп таныстырды
Әлеуметтік желіде бір-бірімен қазақ тілінде сөйлескен Америка және Африка құрлығының азаматтары көпшілікті сүйсінтті. Желі қолдаушылары ризашылықтарын білдіріп жатыр, деп хабарлайды Qaz365.kz тілшісі.
«Мен америкалықпын. 20 жылдай Алматыда тұрып, қазақ тілін үйренгенмін. Есімі – қазақша Рауан. Негізі – Рональдпын», - дейді америкалық азамат.
Ал онымен сөйлескен, желіге Qarapaym.qazaq деп тіркелген африкалық азамат өзін Әбдукәрім деп таныстырды.
«Мен негізі Африкаданмын. Оның ішінде Нигерия мемлекетінен. Өлең айтамын. Руым – қоңырат. Аман болыңыздар ағайын!» - дейді африкалық.
Ол тағы бірнеше шетелдікпен қазақша сөйлескен. Желі қолданушылары өз алғыстарын білдіріп жатыр.
«Тек орыстар екен ғой бізді сыйламайтын», «Қазақ қызы америкалық апаға орысша сөйлегенде, мен қазақша жауап беремін» дегеніне қуанып кеттім», «Керемет, қазақ тілі жасасын», «Жарайсыздар», «Алла разы болсын», «Бәрекелді», «Тіл білмейтін қазақтарға осыдан кейін ұят болады», «Қазақ тілінде керемет сөйлейсіздер», - деген сарындағы пікірлер өте көп жазылған.
