Маңғыстау жүргізушілері жанар-жағармай бағасының көтерілуіне байланысты қарсы ереуілге қатысуға мәжбүрледі, деп хабарлайды Qaz365.kz тілшісі Stan.kz ақпарат агенттігіне сілтеме жасап.
Әлеуметтік желілерде тараған видеода жүргізушілердің бірі наразылық акциясына қатыспағаны үшін басқа жүк көлігінің жүргізушісін балағаттап, қорлық сөздер айтқанын көруге болады.
“Жігіттер, қараңдар, мен оны жолдан ұстап алдым. Бейнеуге кетіп бара жатыр едім. Бағана ХГМЗ (зауыт) алдында тұрғанда жиналысқа кеттік дегенде сылтауын айтқан еді. Қайда бара жатырсың”, – дейді видео авторы.
Митингке қатысқысы келмеген жүргізуші көлігін иесіне апара жатқанын түсіндіруге тырысты. Алайда видео авторы жүк көлігінің жүргізушісін жібергісі келмей, одан қайтып оралуды және ереуілшілерге қосылуды талап етті. Басқа видеода жүргізуші екіншісін де наразылық акциясына қатысуға шақырады. Іс-шара Жаңаөзенге барар жолда өтеді.
Прокуратурада әлеуметтік желілер мен мессенджерлерде наразылық акцияларына қатысуға шақыратын, сондай-ақ оларға басқа жүк автомобильдерінің жүргізушілерін қатысуға мәжбүрлейтін материалдар таратылатыны туралы хабардар етілді.
"Митингке шақыру, ұйымдастыру және заңсыз акцияларға қатысу ӘҚБтК-нің 488-бабы бойынша 25 тәулікке дейін жаза түріндегі жауапкершілікке тартылады. Егер бұл әрекеттер елеулі залал келтірсе, онда кінәлілер Қылмыстық кодекстің 400 - бабы бойынша қылмыстық жауаптылыққа тартылады. Ол 200 АЕК-ке дейінгі мөлшерде айыппұл немесе түзеу жұмыстары немесе 200 сағатқа дейінгі мерзімге қоғамдық жұмыстарға тарту не 50 тәулікке дейінгі мерзімге қамауға алу түріндегі жазаны көздейді", - деп жауап берді прокуратура.
