Шет мемлекеттің жеті азаматы Қазақстан-Ресей шекарасынан заңсыз өтуге талпынған
Өзбекстан азаматтары өткізу пункттерін айналып өтіп, Қазақстан мен Ресей шекарасын заңсыз кесіп өтпекші болған, деп хабарлайды Qaz365.kz тілшісі Мой город-қа сілтеме жасап.
Белгілі болғандай, тепловизор жеті адамның өткізу пункттерін айналып өтіп, Қазақстан мен Ресей шекарасын заңсыз кескенін тіркеген.
«Тепловизорда іс-қозғалыс нақты тіркелді. Шекарашылар шұғыл әрекет етіп, олардың заңсыз әрекеттерінің алдын алды. Аталған адамдар ұсталды. Олар шекарадан өту құқығының шектелуіне байланысты осындай заңсыз әрекетке барғаны анықталды», - деді ҚР ҰҚК Шекара қызметінің БҚО бойынша департаменті.
Ұсталған Өзбекстан азаматтары жауапкершілікке тартылып, елден шығарылды.
