Мұндай қайырымдылық әрекеті Отан қорғаушылар күніне орай жасалса керек
Астанада белгісіз ер адам курсанттарға балмұздақ сыйлап, қазақстандықтарды жағымды іспен қуантты, деп хабарлайды Qaz365.kz тілшісі.
Әлеуметтік желілерде белгісіз ер адамның жүк көлігінің артқы жағында отырған курсанттарға балмұздақ берген видеосы пайда болды. Астанадағы кептелістердің бірінде көлігінен түскен ер-азамат курсанттар отырған жүк көлігіне жақындап, балмұздақ беріп жатыр. Әскери киім киген бозбалалар да балаша қуанып, өздеріне ұсынылған тәттіні қағып алып жатыр. Олармен бірге қуанған ер адам жымиған қалпы өз көлігіне келіп отырды. Мұндай қайырымдылық әрекеті Отан қорғаушылар күніне орай жасалса керек.
