Жақында саясаткердің науқастанып, ауруханаға түскені туралы хабар тараған болатын
Бүгін 75 жасқа қараған шағында Алматыда оппозициялық саясаткер, диссидент Жасарал Қуанышәлин қайтыс болды, деп хабарлайды Qaz365.kz.
Жақында саясаткердің науқастанып, ауруханаға түскені туралы хабар тараған болатын. Бүгін қайтыс болғанын, желі қолданушылары, оның ішінде белсенді Ниязбек Юсупов та растады.
Айта кетейік, Жасарал Қуанышәлин 1949 жылы 7 сәуірде дүниеге келген. 1991 жылы"Азат" қозғалысының басы-қасына жүрді. Одан соң, 1994-95 жылдары Қазақстан Жоғарғы кеңесінің депутаты болған. Кейін оппозицияға өтіп, билікті өткір сынап жүрді. Өзі де бірнеше рет партия құруға талпынғанымен, тіркей алмаған.
