×

Тоқаев Алматыда бұрын өзінің отбасы тұрған аулаға барды

Сондай-ақ ол қаладағы қоғамдық көлік жүйесімен танысты

Тоқаев Алматыда бұрын өзінің отбасы тұрған аулаға барды
видеодан кадр / Ақорда

Мемлекет басшысы Алматыдағы қоғамдық көлікті диспетчерлік басқару орталығының жұмысымен танысқаннан кейін қала көшелерінде серуендеп, бұрын отбасы тұрған аулаға барды, деп хабарлайды Qaz365.kz тілшісі Ақорданың баспасөз қызметіне сілтеме жасап.

Президент «Алматы қаласының көлік холдингі» ЖШС басқаратын ONAY электронды билет сату жүйесімен және Алматы қаласындағы қоғамдық көліктерді диспетчерлік басқару орталығының жұмысымен танысты.

Мемлекет басшысына қоғамдық көліктерде электронды төлем жүйесін енгізу және бүкіл үдерісті автоматтандыру нәтижесінде жолаушы тасымалы саласында көлеңкелі ақша айналымы айтарлықтай азайып, көлік кәсіпорындарының табысы бірнеше есе артқаны жөнінде баяндалды.

2016-2022 жылдары аталған саланың жылдық қаржы айналымы 2,7 есе, яғни 10 миллиард теңгеден 26,8 миллиард теңгеге дейін өсті. Осы жылдары қоғамдық көліктердің саны мен сапасы артты. Сонымен қатар қоғамдық көліктердің уақыт тәртібін сақтауы 95 пайызға дейін жеткен.

Президент дамыған қоғамдық көлік жүйесі сапалы қала тіршілігінің ажырамас бөлігі екенін атап өтті. Қасым-Жомарт Тоқаев осы саланы одан әрі реформалаудың маңыздылығына, жолаушылар тасымалының сапасы мен жайлылығын үнемі жетілдіру қажеттілігіне назар аударды.

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Бөлім жаңалықтары

Тағы оқыңыз
Дариға Назарбаеваның туған құдасы қайтыс болды
08.07.2024ж. 14:34

Дариға Назарбаеваның туған құдасы қайтыс болды

Отыз жылдан астам уақыт бойы құрылыс саласында еңбек еткен
Қонақтарды ашық аспан астында джаз музыкасының сүйемелдеуімен фуршет күтіп тұрды
Жеңімпаздар алғыс хаттар, дипломдар, грамоталар және бағалы сыйлықтар алды

Соңғы жаңалықтар

Барлық жаңалық →