Ол адамдарды кепілде ұстаған
Астанадағы Kaspi bank филиалында адамдарды кепілге алу ісі бойынша күдікті 2 айға қамауға алынды, деп хабарлайды Qaz365.kz тілшісі Астана қалалық сотының ресми сайтына сілтеме жасап.
"2023 жылғы 20 маусымда Астана қаласының мамандандырылған ауданаралық тергеу соты күдікті Әлихан Мурадовқа қатысты 2 ай мерзімге қамауға алу түріндегі бұлтартпау шарасын санкциялады", - делінген Астана қаласының мамандандырылған ауданаралық тергеу сотының хабарламасында.
Еске салайық, бұған дейін Астанадағы Kaspi банкі ғимаратында қарулы ер адам тұрғындарды кепілде ұстаған еді. Оқиға орнына қосымша арнайы жасақ әкелінді. Кейін Kaspi Bank өкілдері бұл оқиғаға қатысты пікір білдірді. ІІМ басқыншы ұсталып, қамауға алынғанын мәлімдеді.
