Бала қараусыз қалған
№2 Балалар қалалық клиникалық аурухананың дәрігерлері Алматы қаласында пәтердің үшінші қабатының балконынан құлап түскен 4 жасар баланың өмірін аман алып қалды, деп хабарлайды Qaz365.kz.
Баланың анасының сөзінен ол үйде ересек адамдарсыз болған және үстелге шығып алып, балконнан көшеге қарап отырған.
Баланы Жедел жәрдем бригадасы қабылдау бөлімшесіне ауыр жағдайда жеткізді. Алып келген кезде бала дереу қаралды, қажетті инструментальді зерттеулер, оның ішінде органдардың компьютерлік томографиясы жүргізілді. Бала жан сақтау бөлімшесіне жатқызылды. Дәрігерлер баланы травмалық есіңгіреуден алып шығып, оның жағдайын тұрақтандырды.
Іш жағының тоқтамай ауырсынуына байланысты мультитәртіптік кеңес дереу өткізіліп, диагностикалық лапароскопииялық отаны орындау туралы шешім қабылданды. Отаның ұзақтығы: 20 минут. Хирург – Рахманов Марат, анестезиолог – Абдрахманов Данияр, ассистент – Куанышов Азамат.
«Балада соққылар және ішінің көзге көрінбейтін жарақаты боған. Оған хирургиялық бөлімшеде ота жасалды. Қазір оның өміріне қауіп жоқ. Бала жазылып үйге шықты», - деп айтты ауруханадан.
Қабылдау бөлімшесінің жедел жұмысының, мамандардың көпбейінді тәсілдерінің, балалар ауруханасының қажетті медициналық техникасымен жарақталуының және хирургтардың, реаниматолог анестезиологтардың кәсіби жұмыстарының арқасында тағы бір «кішкентайдың өмірі» аман қалды және бала үйіне, туғандарына қайта орала алды.
Балалар дәрігерлері кезекті реті ата-аналарды мұқият болуларын және кішкентай балаларды қараусыз қалдырмауды өтініп сұрайды.
