Метаның қоғаммен байланыс жөніндегі директоры Энди Стоун Twitter-нің айыптауын негізсіз деп атады
Twitter заңгері Алекс Спиро Meta бас директоры Марк Цукербергке мәтінге негізделген танымал әлеуметтік платформаны қайталайтын жаңа Threads қолданбасы іске қосылғаннан кейін бірнеше сағат өткен соң хат жолдады, деп хабарлайды Qaz365.kz.
Twitter өкілдері Цукербергті плагиат және браконьерлікпен айналысты деп айыптап жатыр. Бұл Meta Twitter-ді толығымен қайталайтын Threads қосымшасын іске қосқаннан бірнеше сағат өткен соң белгілі болды, деп жазды Semafor.
"Twitter өзінің зияткерлік меншік құқығын қатаң сақтауға ниетті және Метадан Twitter-дің кез келген коммерциялық құпияларын немесе басқа да аса құпия ақпаратты пайдалануды тоқтату үшін дереу шара қолдануды талап етеді", - деп жазды Спиро адвокаты Метаға жазған хатында.
Спиро Метаны "Твиттердегі коммерциялық құпияларға және басқа да аса құпия ақпаратқа қол жеткізе алатын ондаған бұрынғы қызметкерлерін жалдады" деп айыптады.
Метаның қоғаммен байланыс жөніндегі директоры Энди Стоун Twitter-нің айыптауын негізсіз деп атады.
"Treads инженерлерінің ешқайсысы Twitter-дің бұрынғы қызметкерлері емес", - деді ол.
6 шілдеде Facebook, WhatsApp және Instagram желілеріне иелік ететін топ Threads қолданбасын іске қосты. Threads Instagram-ның мәтіндік чат қолданбасы деп аталды. Платформа Twitter-ді дәл қайталайды деп айтылып жатыр.
