Марокко мен Португалия арасындағы матчта күтпеген нәтиже тіркелді
Футболдан Катарда өтіп жатқан Әлем чемпионатының жартылай финалына шыққан тағы бір құрама анықталды. Ол - Марокко құрамасы, деп хабарлайды qaz365.kz
Ширек финалда Марокко мен Португалия құрамалары кездесті. "Аль-Тумама" стадионында өткен матчта 1:0 есебімен африкалық команда жеңіске жетті. Ойындағы жалғыз голды 42-минутта Юссеф Эн-Несири соқты. Осылайша, Марокко Әлем чемпионатының жартылай финалына жолдама алып отыр. Енді африкалық ұжым финалға берілетін жолдама үшін Франция-Англия жеңімпазымен кездеспек. Айта кетейік, Катарда өтіп жатқан футболдан әлем чемпионаты 18 желтоқсанда аяқталады.
