Шығыс Қазақстан аумағында төтенше өрт қаупі сақталуда
Бесқарағай ауданындағы Шошқалы көлінің маңынан өрт шықты, деп хабарлайды Qaz365.kz тілшісі
“Осыған байланысты Бородулиха ауданында жұмыс сапарымен жүрген Абай облысының әкімі Нұрлан Ұранхаев оқиға орнына шұғыл жолға шықты”, – деп жазды әкімнің кеңесшісі Жарқын Түсіпбекұлы Фейсбук парақшасында.
ҚР ТЖМ баспасөз қызметінің хабарлауынша, Шығыс Қазақстан аумағында төтенше өрт қаупі сақталуда.
“Өрт сөндіру бөлімшелері күн сайын құрғақ шөптің жануымен күреседі. Аптаның басынан бастап олар шамамен 20 рет өрт оқиғаларына шықты. Құрғақ шөптер негізінен халықтың немқұрайлылығы және найзағайдың түсуінен жанады. Өрт қауіпті кезеңде облыс аумағында өрт инспекторлары, орманшылар, полиция қызметкерлері және жергілікті атқарушы органдар қатарынан 250-ден астам адамнан тұратын 46 мобильді топ жұмыс істеуде. Олар орман аймағындағы алқаптарға мониторинг жүргізеді және рейдтік іс-шаралар өткізеді, рейдтік іс-шаралар барысында 51 өрт қауіпсіздігін бұзушы әкімшілік жауапкершілікке тартылды”, – делінген баспасөз хабарламасында. .
