Бұл санды Төтенше жағдайлар министрі Сырым Шәріпханов айтып отыр
2 миллионға жуық халқы бар Алматыда өрт сөндіретін 19 автобаспалдақ қана бар. Бұл санды Төтенше жағдайлар министрі Сырым Шәріпханов айтып отыр, деп хабарлайды Qaz365.kz.
«Алматыда жалпы өрт сөндіруге арналған 19 автобаспалдақ бар. Әлбетте, ол жетпейді. Сол бағытта жұмыс істеу керек. Әлі де 6 автобаспалдақ керек», – деді министр үкімет кулуарында.
Оның сөзінше, елге жалпы 200 автобаспалдақ әкелінеді. Журналистер министрден астанада қанша автобаспалдақ бар деп сұраған. Алайда оның санын Шәріпханов нақты айта алмады.
«Астанада да бұл жұмыс ерекше бақылауымызда», – деп аяқтады ол сөзін.
