Жамбылда 54 жастағы азамат үйінде отырып кен өндіріп келген
Мойынқұм ауданының тұрғынын тінту кезінде сарайынан бір тоннаға тарта әр түрлі тастар табылды, деп хабарлайды Qaz365.kz өңірдің полиция департаментіне сілтеме жасап.
Ауыл азаматы құрамында бағалы металдар бар шикізаттың біраз бөлігін қапшықтарға салып қойыпты. Тіпті көлеңкелі кәсібін кеңейту үшін түрлі техника сатып алған. Онда қолдан жасалған 3 бірдей тас уатқыш тәркіленді. Қазір заңсыз қазба жұмысымен айналысқан күдіктіге қатысты қылмыстық іс қозғалды. Дегенмен, оның 7 млн теңгеге жуық айыппұл төлеп, жазадан құтылып кету мүмкіндігі бар.
«Аталған дерекке қатысты ҚР ҚК-нің 295 бабының 1-бөлігі бойынша сотқа дейінгі тергеп-тексеру амалдары басталды. Қазіргі қажетті барлық сот сараптама тағайындалды», - деді Жамбыл облыстық ПД баспасөз қызметінің хатшысы Гүлсара Мұхтарқұлова.
